MGA TANONG SA Grand Reunion

TANONG: SIR JURIE, HOW TRUE NA MAY GRAND REUNION?

SAGOT: YES! Huli ka na ata sa balita. July pa nang magsimulang umingay ang grand reunion na ito. July din nahalal ang organizing committee at hinamon na gawin ang GRAND ALUMNI REUNION na ito sa JANURY 7, 2012. Sa maikling panahon at sa gitna ng maraming paghamon , pinipilit parin na maitaguyod ang MALAKIHANG PAGTITIPONG ITO sa petsang napagkasunduan noong unang general meeting. Mayroong Plan A, pero dahil sa maraming dahilan, PLAN B na ngayon ang pinagsisikapan maisakatuparan. Ang dakilang hangarin sa event na ito ay ANG MAKADALO ANG NAKAKARAMI NA WALANG TIKET NA BABAYARAN.

TANONG: PAANO MAITATAGUYOD ANG GRAND REUNION, MAY PONDO BA?

SAGOT: May dalawang importanteng phases ang kailangan ng manpower at pondo para matagumpay na maitaguyod ang Grand Reunion. Hindi ko na sinama diyan ang oras na gugulin ng mga officers and committee heads.

Phase 1- PAMAMALITA AT PAGHIHIKAYAT (or Campaign & Invitation): Kailangan natin ng tarpoline sa ibat-ibang lugar, magsagawa ng motorcade sa Taguig, Pateros at Makati, at grupo- grupong house to house. Kung hindi ito gagawin, baka tayong dalawa lang ang dararating sa January 7, 2012.

Phase 2 - KAGAMPAN (or EVENT DAY): sa araw ng reunion dapat ay may maayos na sounds system para magkarinigan sa program; Venue na hindi tayo maulanan o mabilad sa araw; dapat din may mga lamesa at mauupuan tayong magsisidalo at ng mga bisitang guro; dapat naman may maayos na stage set up at décor; Mas mainam( sana)kung may mga papremyo sa games o pa-raffle para dagdag saya, diba?

Pondo kamo? Sa totoo lang, wala talagang pondo at wala na ring oras para magsagawa pa ng Fund Raising Activities. Kaya nga noon pang July 17 meeting, minabuti na magtulungan na lang lahat ng batches na subukang makalikom ng 20K (kung kakayanin niyo lang po) Sa ganun paraan, hindi na tayo mahirapan magsingilan o magticket pa, at para walang mahihiyang pumunta dahil walang pambayad.
 

SA TOTOO LANG, hanggang ngayon dalawang batch pa lang nagkakapagbigay. Kaya nga ipinamamanhik namin sa ating lahat na ’ in your best efforts’ ika nga ay matulungan natin ang event na ito na mabigyan ng pondo.

TANONG: KUNG SIMPLEHAN LANG NATIN ANG G.A., MAGKANO BA DAPAT ANG PONDO?

SAGOT: Yan nga po ang PLAN B. Gawing simple ang lahat. Ang tinatantya natin para sa lahat-lahat ay nasa 120K- 150K. Kasama na diyan ang mga tarpoline, streamers, motorcade, stage design at sounds system at bayad sa venue. Sa halagang iyan, sa tingin natin, hindi na kaya pa ang magpa cater(food). Remember, main goal natin, libre ang entrance sa event na ito, kaya posibleng dumagsa tayo sa araw na iyon. Hindi natin mapapangakong mapapakain natin lahat yun. Para simple lang, kanya-kanyang bili na lang tayo ng food and beverage sa loob ng venue. Yayain natin ang mga schoolmates na pwedeng magtayo ng food booth sa loob ng venue natin… It is like SCHOOL FAIR inside the campus, diba?

TANONG: SIR JURIE, MATUTULOY BA O HINDI ANG PLAN B SA JAN. 7 2012?

SAGOT: Kung hindi tayo makalikom ng sapat na halaga bago ang unang lingo ng Disyembre, malilipat na ang petsa ng Grand Reunion…. marahil ay sa bandang Abril na ito! Ayaw natin mangyari yun, diba?

(Abangan ang mga iba pang tanong sa Grand Reunion, Susunod na!)