From the GA Chairman Issue No. 4

Dear Klasmeyts,

Nais pong iparating ng GA Officers sa inyong kaalaman na tayo po ay nagpadala na ng liham kay Ms. Ausmolo at atin syang pinasalamatan sa kanyang pag-imbita at pagtanngap sa atin sa kanyang tahanan, upang mapag usapan ang ating Grand Reunion.

Pinasalamatan rin natin sya sa kanyang alok na gamitin ng ating samahan ang SEC Registration at resibo ng SRI para sa event na ito. At ang alok na ito ay ating itinuturing na kanyang pagbibigay basbas at pagsan-ayon sa Grand Reunion na ito.

Kasunod nito ay ang ating paliwanag na minabuti natin na gumamit na lamang ng ating sariling SEC Registration at resibo.

At sa pamamagitan ng liham na ito ay atin ring ipinaabot sa kanya ang ating pangungumbida sa kanya bilang ating panauhing pandangal kasama na rina ang lahat ng ating mga naging guro at mga nagsipagtrabaho sa SRI.

Sa kadahilanang ito, malugod naming ibinabalita sa lahat na ang Grand Reunion ay tuloy na tuloy na po, at ang original date na January 7, 2012 ay tuloy pa rin maliban na lamang kung may masidhing dahilan at ito ay mailipat ng ibang araw.

Kami po ay nananawagan sa LAHAT ng mga Officers at Batch Representatives na kung maaari po sana ay magsidating tayo sa General Membership meeting sa Sunday, November 6, 2011, sa Ususan Barangay Hall, 2:00 pm. AASAHAN po namin ang inyong pagdalo, , ,PLEASE !

Kulang na po tayo sa oras, subalit ito ay kaya pa rin nating ituloy, magtiwala po kayo sa GA Committee at ibigay ang inyong full support at cooperation. Yan po ang aming hinihingi sa lahat upang maging matagumpay ang pagtitipon na ito.

Klasmeyt nyo po ako,

Angel Santamaria Mercado